Ishyirahamwe ry’Umukino wa Basketball mu Rwanda ryemeje ko RSSB Tigers Basketball Club ari yo izitabira imikino ya BAL izaba ku nshuro ya 6.
Ikipe ya APR BBC ibitse igikombe cya Shampiyona ya Basketball y’umwaka ushize w’imikino 2024-25, ni yo yagombaga kuzitabira ariko byakomeje guhwihwiswa ko itazemererwa kujya muri iri rushanwa.
Bivugwa ko tariki ya 10 Werurwe 2026, abayobozi bayo basanze abakinnyi mu myitozo bakabamenyesha ko iyi kipe itazitabira iyi mikino n’impamvu batakiyitabiriye.
FERWABA ivuga ko RSSB Tigers Basketball Club ari yo yagenwe ngo izahagararire u Rwanda mu mikino itegerejwe ya BAL nyuma y’uko APR Basketball Club ifashe icyemezo cyo kutazitabira irushanwa.
N’ubwo hatatangajwe impamvu nyamukuru yo gutuma ikipe y’Ingabo itazakina iri rushanwa, amakuru UMUSEKE avuga ko ari iza Politiki.
Bivugwa ko bifite aho bihuriye n’ibihano Leta Zunze Ubumwe za Amerika zafatiye Minisiteri y’Ingabo kandi APR BBC ikaba ishamikiye kuri iyi Minisiteri.
Imikino ya BAL izabera i Johanesburg muri Afurika y’Epfo.
UMUSEKE.RW
**prodentim**
ProDentim is a distinctive oral-care formula that pairs targeted probiotics with plant-based ingredients to encourage strong teeth, comfortable gums, and reliably fresh breath.