Ubuyobozi bw’akarere ka Nyanza buratangaza ko hari umunyamabanga nshingwabikorwa w’Akagari watawe muri yombi na RIB akurikiranyweho gukoresha nabi amafaranga y’abatishoboye.
Umunyamabanga nshingwabikorwa w’akagari ka Kavumu, mu murenge wa Busasamana ho mu karere ka Nyanza witwa Pfukamusenge Alex.
Yatawe muri yombi taliki ya 12 Nyakanga 2023 akekwaho gukoresha nabi amafaranga y’abaturage bahoze ari abo mu cyiciro cya mbere.
Umuyobozi w’akarere ka Nyanza, Ntazinda Erasme yabwiye UMUSEKE ko hari ubugenzuzi bwakozwe n’ikigo gishinzwe gutera inkunga ibikorwa by’iterambere mu nzego z’ibanze (LODA), mu rwego rwo kureba uko gahunda zo gufasha abava mu bukene ziri kugenda zikorwa, haza kugaragaramo bamwe mu batarabikoze neza.
Yagize ati “Mu rwego rw’iperereza hari abatawe muri yombi barimo n’uwo munyamabanga nshingwabikorwa w’akagari ka Kavumu.”
UMUSEKE wamenye amakuru ko ayo mafaranga yari yatanzwe n’abaturage yagombaga kwifashishwa hishyurwa ubwisungane mu kwivuza (Mutuel de sante) ariko ntibyahita bikorwa, kuko abahoze mu cyiciro cya mbere bamwe muri bo batarajya mu ikoranabuhanga kuko byari bizwi ko bafashwa, binavugwa ko bamwe muri bo byanze ko babishyurira barayasubizwa.
Hari uwahaye amakuru UMUSEKE ko ayo mafaranga Gitifu Alex Pfukamusenge ufunzwe yayafashe ayaha umukozi wa Irembo (agent) ntiyabishyurira ngo kuko ikoranabuhanga ryari ryamutengushye, maze abakozi ba LODA baje kugenzura barabinenga.
Bavuze ko niba byari byanze yari akwiye kuyajyana kuri konti y’umurenge kuko babifashe nkaho yayakoreshaga mu nyungu ze.
UMUSEKE ntiwamenye umubare nyirizina w’ayo mafaranga abaturage batanze. Umwe mu bantu bakurikiranye aya makuru yavuze ko ari hagati ya Frw 100,000 na Frw 200,000.
Ubuyobozi bw’akarere ka Nyanza bwavuze ko Gitifu Pfukamusenge Alex acumbikiwe kuri sitasiyo ya Busasamana, gusa atari we ufunze wenyine kuko hari n’abandi baturage ariko batari abakozi ba Leta na bo ibyo bazira bifitanye isano n’iby’uriya muyobozi.
Ubuyobozi bw’akarere bwasabye abandi bayobozi kwirinda gukora ibyatuma bisanga mu byaha.
Theogene NSHIMIYIMANA
UMUSEKE.RW i Nyanza
Leave a comment
Nkurikije uko akazi ko muzibanze kamera, nkurikije uko umuhigo wa MUSA uba uhangayikishije Abakozi bo ku kagali no ku Murenge, nkurikije uburyo LODA yiyumvisha ko kariya kazi hatabayeho Irengayobora kakomeza nka kandi gasanzwe.
Ndabona uriya mugitifu arengana pe.
Ndagira Inama RIB ko yakora iperereza neza byaba ingombwa ikitabaza abandi ba Gitifu niba Ibyo Gitifu Alex yakoze bo batajya babikora. Gusa nge ndemeza ko ari ibisanzwe.
Nta bwo wafata Frw yumuturage ngo uyajya ku murenge kd na service akeneye atayibonye.! Nonese nwese ko muzi uko konti za leta zikora wavuga ko wayashyizeho nka nde!? Ese yazavaho ryari!? Ese Service Umuturage yasabye yayibona Ari uko Frw ye aryamye kuri konti y’ umurenge?
Ese arwaye atarabona service yasabye, gitifu yamubwira ngo Jya ku murenge ni ho Frw yawe nayabikije!?
Gusa RIB nanone yongere irebe Imyitwarire ye mbere, imanuke ibaze Abaturage niba barigeze bamuha FRW bakayabura nisanga icyo kintu agishinzwa na benshi imikomeze. Ariko nisanga nta cyo abo yayoboraga bamushinza imurekure asubire mu kazi. FRW niba irembo ryarayarigishije hakaba nta bimenyetso byo kuyaburana bihari babwo Gitifu azayashaka ayishyure kuko izo risk barazimenyereye.
LODA nayo ndayimenyesha ko akazi ko mu zibanze gafite Umwihariko. Niba batari banabizi babimenye ko Umuhigo wa MUSA ari kuriya weswa. ahubwo H.E @paul Kagame turabizi ko ibi ubisoba
Nukiwe.
Gewe nkurikije uko mbona akazi ko mu nzego z’ibanze kameze kandi ikintu cyose ari umuhigo mbona ba ES Cell, peee biriya atari ukuvuga ko yanyereje amafaranga y’umuturage kuko abantu bari muri Cat1, batagarutse ku rutonde nuko bagomba kwiyishyurira Musa none iyo bafashe amafaranga ye mbere babanje gutegereza ngo barebe ko bazishyurirwa na Leta cg baziyishyurira mu gihe bakwiyishyurira Umuyobozi ufite amafaranga y’umuturage ahita amwishyurira,uwishyuriwe na Leta asubizwa amafaranga ye naho uriya ES Cell, rwose ndabona ntakibazo kuko siwe wenyine ubikora mu gihugu hose birakorwa.
Kurubu Abaturage bajya kwiyishyurira Musa nibake harimo nabavuga ko kuva bavuka ko batararwara natimwe
Nkuwo rero ntabwo wamubwira ngo ajye kwiyishyurira ngo yishyure, harimo nabayajyana ba kayanywera mu nzira bagera mu rugo bakabeshya abagore babo ko bishyuye kndi bayariye natwe tuge tuborohereza,tunage ku Kagari tubabaze uko byagenze.
Mana igiraneza we uyu muntu rwose yarenganye mu inzego z’ ibanze umuhigo wa Mituel uzabasaza pe ibaze ukuntu system y’ Irembo irimo kugorana fr wamaze kuyashyira kuri momo ubwo se koko uyajyanye kuri konti y’ Umurenge umuturage yazabona service aruko za nzira zose zo kubikuza zirangiye,gusa ni ugusengera ba gitifu b’ utugari naho ubundi ibiri mu nshingano zabo birenze ubwenge peeeeeee
Njye mbona aba bakozi ba LODA ubumuntu bwabo kuri ba ES b’utugari Ari buke pe.
Nibatekereze uko inzego zose zirirwa zabasajije bakwiye kumenya neza iyo babonye ubwitabire mu gutangwa mutuelle de Sante bwazamutse biba byavuye kure. Izo ndushyi z’abagitif zitabyitangiye nta na 30% yagerwaho muri musa
Ngewe nibaza niba abakozi bose kugera kuba Minister bo baragenda bagakora ibintu mumpapuro bagaha abitugura ngo nibajye mu gamba, nuko nta rotation mukazi ibaho ngo basi bazafate uwo uba yaje kugenzura akorere kukagali anahembwa amafaranga yaho yabuze 6 months. Nako we yahita agasezera akajya kwikorera igishoro barakibonye naho ES Cell ubakorera ngo bahembwe agahembwa Me2you mwarangiza ngo nagatagaze umutungo. Narumiwe Koko, uwo muvandimwe yihangane Imana izamurengera.