Igisirikare cya Repubulika ya Demokarasi ya Congo, FARDC, cyatangaje ko abasirikare b’u Rwanda binjiye bidegembya ku butaka bwa Congo bajya guha umusada umutwe w’inyeshyamba wa M23.
Byatangajwe n’Umuvugizi wa Guverineri w’Intara ya Kivu y’Amajyaruguru ku rwego rwa Gisirikare, Lieutentant Colonel Guillaume Ndjike Kaiko.
Lt. Col Kaiko yavuze ko ku wa 16 Gashyantare 2023, abasirikare b’u Rwanda 356 boherejwe ku butaka bwa Congo gushyigikira inyeshyamba za M23 zihanganye bikomeye n’ubutegetsi bwa Kinshasa.
Agaragaza ko aba basirikare b’u Rwanda bambukiye i Kibumba nta rutangira maze berekeza muri Parike ya Virunga.
Aba basirikare b’u Rwanda 356 ngo bahise berekeza i Kitchanga muri Teritwari ya Masisi guhangana n’ibitero bya FARDC ku mutwe wa M23.
Yavuze ko abasirikare ba RDF “Banyuze i Kibumba (Mwaru) bafata icyerekezo cya parike y’igihugu ya Virunga.”
Ingabo za Repubulika ya Demokarasi ya Congo zamenyesheje umuryango mpuzamahanga ndetse n’amahanga ko u Rwanda rukomeje kwinjira muri kiriya gihugu gufasha inyeshyamba za M23.
Ku wa kane tariki ya 16 Gashyantare 2023 muri Teritwari ya Masisi, FARDC yamaganye ibitero bishya bya M23 ngo n’ingabo z’u Rwanda, ivuga ko yiyemeje guhangana cyane mu rwego rwo kurengera abaturage n’igihugu.
Umutwe wa M23 nawo wasohoye itangazo usobanura ko ihuriro rya FARDC, imitwe yitwaje intwaro n’abacanshuro ryagabye ibitero ku bice ugenzura i Kitchanga na Kinyandonyi kandi bituwe cyane n’abaturage.
M23 ivugako ifite uburenganzira bwo kwirwanaho no kurengera abaturage b’abasivili mu turere iyoboye, ko nta kundi byagenda uretse guhagarika iri terabwoba aho ryaturutse.
Kuva imirwano yubura mu mwaka ushize hagati ya RD Congo n’umutwe wa M23, u Rwanda rwahakanye gufasha uyu mutwe, rusaba impande zihanganye kuganira bakarangiza intambara zigira ingaruka ku baturage.
NDEKEZI JOHNSON / UMUSEKE.RW
Aliko aba bantu bagira ubwenge hagati aho ubona umwanya wo kubara kugeza kuli 356 ulihe! ukora iki!!ese Congo ifite abasilikare bangahe wongereho mai mai fdrl nyatura abacancuro monusco kuburyo 356 batitiza izimburamukoro
Ikinyoma nkiraha kbs, ubwo wabara abantu 356 gute? Ese bahageze kumanywa? Nijoro c, rwose ibi nugukabya nogusiga igihugu icyasha. Ntawe utabibonako ariya aramatakirangoyi. Babanje bakabarura abasirikare babo bivanze na FDLR !
Congo mureke guharabika igihugu cy’u Rwanda n’abayobozi bacyo,maze iminsi nkurikirana ikibazo cyanyu ariko ntawundi ubatera nimwebwe ubwanyu mwitera ni namwe rero mugomba kwicyemurira ikibazo mufite.
Nukugirango badutere icyasha rwose
Lt Cornel muzima ati binjiye ku butaka bwa CONGO bidegembya!!! Ubwo se CONGO ntaburinzi igira ku mupaka wayo? Ubwo se bibaye aribyo ibyo baba bahora bavuga byo gufata uRwanda baba babihera he badashobora no guhagarika abasirikare bacye kuriya.
Umukino wa comedy abacongomani bazawusoza ryari?
Ese buriya uwananiwe kubuza 1 Batarian kwinjira mugihugu azabasha gutera igihugu agifate nkuko babyibeshyera?????? Ahubwo Drc nabahanga muri commedy