Abatoza 25 biteganyijwe ko bazakora amahugurwa ya Licence A-CAF iteganyijwe gutangira mu minsi iri imbere mu Rwanda, barimo impuguke yo mu Ishyirahamwe ry’Umupira w’Amaguru mu Rwanda, FIFA, Frédéric Crébiller uyoboye ishyirwa mu bikorwa ry’Umushinga wo guteza imbere impano z’abato [FIFA–FERWAFA Talent Development Scheme (TDS)].
Aya mahugurwa biteganyijwe ko azatagira tariki 9 Werurwe 2026, azamare amezi arindwi. Abatoza biga icyumweru kimwe ikindi bakakimara bashyira mu bikorwa ibyo bize [Pratique], ubundi bagasubira ku ishuri.
UMUSEKE wamenye amazina y’abatoza 25 bagomba kuzitabira aya mahugurwa. Aba barimo Frédéric Crébiller, Dusange Sasha, Mbarushimana Shaban, Nshimiyimana Canisius, Hakizimana Fidèle.
Abandi barimo Bazirake Hamimu, Alain Kirasa, Nkotanyi Ildephonse, Lomami Marcel, Rwaka Claude, Ndaguza Théonas, Mugisha Ndoli, Nsengiyumva François [Sammy], Alain Mbabazi, Baptiste, Kwizera Jean Pierre, Hamduni, na Gervais.
Abagore batanu barimo Mukamusonera Théogenie, Murekatete Hamida, Mukashema Consolée, Djamila na Munyana Seraphine.
Shaban, Canisius, Lomami, Rwaka, Hamimu, Hamduni, Baptiste, Ndoli, Gervais, Nkotanyi, Alain Kirasa, Alain Mbabazi, Théonas, Bizumuremyi Radjabu na Rubona Emamanuel.
FERWAFA yavuze ko abifuza gukorera iyi Licence, bagomba kuba bujuje ibi bikurikira: Agomba kuba afite licence B-CAF amaranye imyaka ibiri, kuba afite uburambe byibura imyaka itanu mu mupira w’amaguru.
Agomba kandi azi kuvuga no kwandika igifaransa n’icyongereza neza, kuba ari umutoza mukuru mu cyiciro cya mbere mu bagabo cyangwa abagore no kuba afite impamyabushobozi y’umwarimu w’abatoza [Instricteur].
Abaheruka gukorera Licence A-CAF mu Rwanda, barimo Mashami Vincent icyo gihe wanagize amanota ya Mbere, Casa Mbungo André wamukurikiye, Habimana Sosthène, Nshimiyimana Eric, Seninga Innocent, Bisengimana Justin, Okoko Godefroid, Bizimana Abdou Bekeni, Rwasamanzi Yves, Kayiranga Baptiste, Mbarushimana Abdou na Bizimungu Ally [witabye Imana].
Hari kandi Sogonya Hamiss Cyishi, Hitimana Thierry, Gatera Moussa, Gatera Alphonse na Ruremesha Emmanuel.
Kuri ubu gukorera licence A-CAF mu Rwanda, bisaba kwishyura miliyoni 1 Frw mu gihe ubwo iheruka gukorerwa byasabaga kwishyura ibihumbi 100 Frw. Iyi ni Impamyabumenyi yemerera umutoza w’Umwenegihugu cyangwa umunyamahanga kuba yatoza ikipe yo mu cyiciro cya Mbere nk’umutoza mukuru ku rwego mpuzamahanga ku Mugabane wa Afurika.
Licence B-CAF yo, kuyikorera ubu bisaba kwishyura ibihumbi 600 Frw mu gihe gukorera C-CAF bisaba kwishyura ibihumbi 300 Frw.
UMUSEKE.RW
Its like you read my mind! You appear to know a lot about this, like you wrote the book in it or something. I think that you could do with some pics to drive the message home a little bit, but instead of that, this is fantastic blog. An excellent read. I will certainly be back.