Urwego rw’Igihugu rw’Ubugenzacyaha, RIB rwatangaje ko rwasubije imodoka 5 zibwe muri Africa y’Epfo zizanwa mu Rwanda.
Izi modoka zasubijwe kuri uyu wa Gatandatu, RIB ivuga ko zafatiwe ku mipaka ya Gatuna mu Majyaruguru y’u Rwanda, Rusumo mu Burasirazuba bw’u Rwanda na Bugarama mu Burengerazuba bw’u Rwanda, ngo zafashwe mu bihe bitandukanye zinjira mu gihugu.
Igikorwa cyo gusubiza izi modoka zibwe mu gihugu cy’Afurika y’Epfo cyabereye ku cyicaro gikuru cy’Urwego rw’Ubugenzacyaha (RIB), ku Kimihurura.
RIB yari ihagarariwe n’Umuyobozi w’Ishami rya INTERPOL muri RIB, Antoine Ngarambe naho Polisi y’Afurika y’Epfo yari ihagarariwe na Lt. Col. Brian Butana Mashingo, ushinzwe ishami ryo kugenza ibyaha byerekeranye n’ibinyabiziga.
Inkuru turacyayikurikirana…
UMUSEKE.RW