Nyuma y’amezi atanu amakipe ari guhatana mu bagabo n’abagore, ubuyobozi bw’Ishyirahamwe ry’umukino wa Rugby mu Rwanda, bwatangaje ko imikino isoza Shampiyona mu byiciro byombi, izakinwa ejo tariki ya 14 Gashyantare 2026.
Imikino biteganyijwe ko izaba, ni iyo mu cyiciro cya 15s. Mu cyiciro cy’abagabo, amakipe azahura ku mukino wa nyuma ni 1000 Hills Rugby na Lions de Fer RFC.
Mu cyiciro cy’abagore, hazakina 1000 Hills Rugby na Zebras Women RFC. Uretse imikino ya nyuma, hazanakinwa iyo guhatanira umwanya wa Gatatu.
Mu bagore mu cyiciro cy’abahatanira umwanya wa Gatatu, hazakina Kamonyi Panthers Women na Burera Tigers mu gihe mu bagabo hazakina Kigali Sharks RFC na Gitisi TTS.
Ni imikino biteganyijwe yose izabera ku kibuga kiri kuri Stade yo kwa Nyirangarama mu Karere ka Rulindo.
Lions de Fer ni yo yegukanye igikombe mu bagabo mu gihe mu cyiciro cy’abagore.
UMUSEKE.RW
