Guverinoma ya Senagal yateye utwatsi icyemezo cyafashwe n’Akanama k’Ubujurire k’Ishyirahamwe ry’Umupira w’Amaguru muri Africa, CAF cyo gutera mpaga Senegal ikamburwa igikombe kigahabwa Maroc/Morocco.
Icyemezo cy’Ishyirahamwe ry’Umupra w’Amaguru cyatangajwe mu ijoro ryo ku wa Kabiri, tariki 17 Werurwe, 2026 cyakomeje kuvugwaho na benshi bagaragaza ko kidahwitse.
Guverinoma ya Senegal ivuga ko yababajwe n’icyemezo cy’akanama k’ubujurire ka CAF, cyo kwambura ikipe y’igihugu igikombe cya Africa cya 2025 kigahabwa ikipe ya Maroc.
Itangazo rivuga ko kiriya cyemezo kitari cyitezwe kandi gifite ingaruka zikomeye, kikaba kigonga impande zose zijyanye n’imyitwarire igenga siporo, harimo mbere na mbere kurenga ku kureshya no kubaha ukuri kw’ibyabereye mu kibuga.
Igihugu cya Senegal kivuga ko icyemezo cyagendeye ku kwica nkana amategeko, bigatuma hafatwa umwanzuro usa nabi, udakurikije amategeko kandi urimo kurenganya.
Senegal ivuga ko kutemera ibyavuye mu mukino wayobowe na CAF ubwayo ukarangira, bigaragaza kwitakariza icyizere no kwiyambura icyizere abaturage ba Africa bari bafitiye inzego za siporo zo ku rwego rw’umugabane.
Guverinoma ya Senagal yagize iti “Senagal ntizihanganira ko icyemezo cyafashwe mu rwego rw’ubuyobozi kizasiba ubushake, guharanira ikintu n’icyubahiro biranga siporo. Senagl yamaganye itanyuze ku ruhande uko kugerageza kwamburwa bidafite ishingiro.”
Itangazo rya Guverinoma ya Senegal rikomeza rigira riti “Senegal irasaba ko habaho iperereza mpuzamahanga ryigenga ku bijyanye na ruswa mu nzego ziyoboye CAF.”
Senegal kandi yavuze ko izakorsha inzira zose zo kujurira harimo n’inzego z’ubutabera mpuzamahanga zibiditiye ububasha kugira ngo ubutabera butangwe, kandi ibyavuye mu mukino warangiye byemerwe.
Iki gihugu cyanasabye Maroc kurekura abaturage ba Senagl bagifunzwe kubera ibyabaye ku mukino wa nyuma w’igikombe cya Africa.
Umukino wa nyuma w’Igikombe cya Africa cy’ibihugu wakinwe tariki 18 Mutarama, 2026, icyo gihe Senegal itsinda Maroc igitego 1-0.
Impaka zaturutse kuri penaliti yatanzwe n’umusifuzi Jean Jacques Ndala zatumye abakinnyi ba Senegal bava mu kibuga, ariko nyuma y’iminota 17 bemera kugaruka, kandi umukino urakomeza kugeza urangiye.
Ishyaka rya Julius Malema na ryo ryamaganye icyemezo cya CAF
EFF, icyashya rya Julius Malema utavuga rumwe n’ubutegetsi muri Africa y’Epfo, ryasohoye itangazo ryamagana icyemezo cya CAF cyo kwambura Senegal igikombe.
Iri shyaka rigaragaza ko umusifuzi wa CAF yayoboye umukino kugera urangiye bigaragaz ako ibibazo byari byabaye mu mukino bitari byujuje impamvu zikomeye zatumwa umukino usubikwa.
Indi mpamvu EFF igaragaza ni ukuba ikipe ya Maroc yaremeye gukomeza umukino kandi ikanatera penaliti yari yahawe nubwo itagize amahirwe yo kuyinjiza mu izamu.
EFF ivuga ko umukino wakomeje bisanzwe kurinda ubwo Senegal iwurangiza itsinze.
Itangazo rigira riti “Ibindi bya nyuma byo gusibanura ukundi ibyabaye mu kibuga ntabwo byemewe, uretse kuba bififitse, ni noguhindura nkana amategeko y’umukino n’amategeko agenga CAF ubwayo.
Mu bandi bagaragaje ko icyemezo cya CAF kirimo ruswa no kurenga ku mategeko y’umupira w’amaguru ni Kapiteni wa Senegal, Sadio Mane ndetse na Samuel Eto’o uretseo ko no ku mbuga nkoranyambaga iki cyemezo cya CAF cyarikoroje.
Icyemezo cya CAF kivuga ko igikombe kizahabwa Maroc kikamburwa Senegal itewe mpaga y’ibitego 3-0.
UMUSEKE.RW
