Mu gihe hasozwaga imikino y’umunsi wa 21 muri Shampiyona y’u Rwanda y’Abagore y’umupira w’amaguru [Rwanda Women’s Super League], Rayon Sports WFC yari i Kabarondo mu Karere ka Kayonza, yahakuye intsinzi yayifashije gukomeza kuyobora Shampiyona.
Ku Cyumweru, tariki ya 22 Werurwe 2026, ni bwo hasojwe imikino y’umunsi wa 21 muri Shampiyona y’u Rwanda y’Abagore y’umupira w’amaguru [Rwanda Women’s Super League].
Ku wa Gatandatu, tariki ya 21 Werurwe 2026, hari habaye imikino ine. Rayon Sports WFC ifashijwe na Ukwinkunda Jeannette ‘Jiji’ watsinze ibitego bibiri, iyi kipe yatsindiye Indahangarwa WFC ku kibuga cyayo, ibitego 2-0.
Indi mikino yabaye kuri uwo, irimo uwo Inyemera WFC na AS Kigali WF zanganyije igitego 1-1, Bugesera WFC yatsinze Nyagatare WFC ibitego 2-1 mu gihe APR WFC yo yatsinze Kamonyi WFC igitego 1-0.
Indi mikino yabaye, irimo uwo Macuba WFC yatsindiyemo Forever WFC kuri Tapis Rouge ibitego 2-0 n’uwo Police WFC yatsindiyemo Muhazi WFC igitego 1-0 ku kibuga cyayo i Rwamagana.
Nyuma yo kubura amanota yuzuye kuri AS Kigali WFC, yahise imanuka kuko iyo bakurikiranye iyirusha amanota ari hejuru y’amanota atatu. Izamanukana na Nyagatare WFC bazahura ku mukino usoza Shampiyona.
Iyi kipe iterwa inkunga n’Umujyi wa Kigali, ni ubwa mbere imanutse kuva yashingwa mu myaka 18 imaze ikina Shampiyona y’Icyiciro cya mbere. Ni yo ibitse ibikombe byinshi bya Shampiyona [13].
UMUSEKE.RW
