Ukeneye kwamamaza! Gusobanuza! Gutanga amakuru? Hamagara 0788772818
Umunyamakuru wa Radiyo imwe yo mu Mujyi wa Kigali yatawe muri yombi n’Urwego rw’Igihugu rw’Ubugenzacyaha RIB kubera gukekwaho icyaha cyo gusambanya umwana w’umukobwa w’imyaka 17 nyuma yo kumuha ibisindisha.
Iki cyaha uyu munyamakuru akurikiranyweho yagikoze tariki 5 Nzeri 2021, agikorera mu Karere ka Gasabo, Umurenge wa Remera, Akagari ka Nyabisindu mu mudugudu wa Rugarama. Akaba yatawe muri yombi mu gitondo cyo kuri uyu wa Gatatu tariki 8 Nzeri 2021.
Aya makuru yitabwa muri yombi ry’uyu munyamakuru UMUSEKE wayahamirijwe n’Umuvugizi w’Urwego rw’Igihugu rw’Ubugenzacyaha, Dr. Murangira B. Thierry.
Ati “Nibyo RIB yafunze umunyamakuru wa radiyo, akurikiranyweho icyaha cyo gusambanya umwana w’umukobwa w’imyaka 17, yamusambanyije nyuma yo kumuha ibisindisha.”
Umuvugizi wa RIB, Dr. Murangira B. Thierry, yibukije ko batazihanganira uwo ari we wese wishora mu byaha by’ubugome byo gusambanya abana, asaba buri wese gufatanya na RIB mu guhashya abasambanya abana kuko ari amahano.
Yagize ati “Abasambanya abana ntago tuzabihanganira, ntago tuzagoheka kubarwanya no kubakurikirana ngo baryozwe ibi byaha. Buri wese mu kazi akora afatanye na RIB duhashye abasambanya abana. Iki cyaha ni amahano kandi kigomba gucika mu muryango nyarwanda, abantu badufashe duhashye ibi byaha aho bibera mu ma karitsiye, mu mashuri n’ahandi.”
Yakomeje avuga ko iki cyaha kigomba gucika kuko umuryango nyarwanda na RIB batazakomeza kwihanganira ko gikorerwa abana b’u Rwanda.
Uyu munyamakuru akaba afungiye kuri sitasiyo ya RIB ya Remera kugirango iperereza rikomeze ngo akorerwe dosiye ashyikirizwe Ubushinjacyaha.
Icyo itegeko rivuga
Icyaha cyo gusambanya umwana gihanwa n’ingingo ya 4 y’itegeko No 69/2001 ryo kuwa 8/11/2019 rhindura itegeko No 68/2018 ryo ku wa 30/08/2018 riteganya ibyaha n’ibihano muri rusange.
Uhamije n’urukiko iki cyaha cyo gusambanya umwana, ahanisha igihano cy’igifungo kitari munsi y’imyaka 20 ariko kitarenze imyaka 25.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NKURUNZIZA Jean Baptiste / UMUSEKE.RW
Ubusambanyi ntabwo bushobora gucika.Kubera ko ababurwanya benshi nabo basambana.Nicyo cyaha gikorwa ku bwinshi.Kuba Imana ibitubuza,ntacyo bibwiye abantu.Kuba bizababuza kuzuka ku munsi w’imperuka ngo bahabwe ubuzima bw’iteka muli paradizo,nabyo ntacyo bibabwiye.Usanga abantu icyo bashyira imbere ari “kwishimisha”.Bigatuma biba,basambana,barya ruswa,bicana,barwana mu ntambara zuzuye mu isi,etc…Imana ntacyo ibabwiye.Ibyo ni ukutagira ubwenge nyakuli (wisdom).
Kandi musema nawe mbona wasambana uzaze nkwihere ku turu ureke guca imanza
@ Nyiraburyohe Zubeda,kwishimisha akanya gato hanyuma bikazakubuza kubona paradizo,ni ukutagira ubwenge nyakuli.Ijyanire ibyawe ubihe abasambanyi nkawe.Ujye wibuka ko urimo gusugura Imana yabiguhaye kandi bizatuma ubura ubuzima bw’iteka.Jya wibuka Yozefu wanze kuryama n’umugore wa Potiphar,kubera gutinya Imana.Bizakwereka ko abantu bose atari abasambanyi.
Umuseke.rw murantengushye! Inkuru itagira izina ryuwakoze icyaha,ntigire aho akora (si ngombwa cyane) ntigire nifoto twabwirwa niki ko atari igihuha? Niba mwatinye kuko ari umunyamakuru mugenzi wanyu iyo mureka gukora iyi nkuru ko nta gahato karimo? Ese ubu murumva atazamenyekana? Kuki se abandi bo mubagaragaza cg mukabavuga kabone niyo mwabahisha mu maso?