Ubuyobozi bwa Rayon Sports, bwatangaje ko Bruno Ferry ari we mutoza mukuru wa yo, nyuma yo gutandukana na Afhamia Lotfi ukomoka muri Tunisie.
Gikundiro ibicishije ku rukuta rwa yo rwa X, yemeje ko Umufaransa, Bruno Ferry w’imyaka 58, ari we wahawe inshingano nk’umutoza mukuru.
Bagize bati “Umutoza w’Umufaransa, Bruno Ferry w’imyaka 58, ni we mutoza mukuru wacu mushya. Azaba ari i Kigali kuri uyu wa Gatanu mu gitondo ndetse azaberaba umukino wacu utaha.”
Uyu mutoza, yatoje amakipe arimo Azam FC yo muri Tanzania, AS Vita Club yo muri RDC, Eding Sport FC yo muri Cameroun, Accra Lions FC yo muri Ghan n’izindi.
Uyu Mufaransa azakorana na Lomami Marcel na Haruna Ferouz nk’abungiriza be ndetse na Ndayishimiye Jean Luc ‘Bakame’ nk’umutoza w’abanyezamu.
UMUSEKE.RW