Mu itangazo UMUSEKE ufitiye kopi rishimangira ko Nyirubutungane Papa Francis yirukanye burundu ku mirimo Padiri Wenceslas Munyeshyaka.
Ni Itangazo ryagiye hanze ku wa 2 Gicurasi 2023 ryashyizweho umukono na Nyiricyubahiro Musenyeri Christian Nourrichard Umushumba wa Diyoseze ya Evreux uyu Padiri Munyeshyaka Wenceslas yakoreragamo ubutumwa.
Rivuga ko Nyirubutungane Papa Francois yabihaye umugisha kuwa 23 Werurwe 2023 ariko iyo Diyoseze ya Evreux ikaribona ku cyumweru gishize.
Muri iryo tangazo rivuga ko Papa ku mategeko agenga Kiliziya yirukanye burundu Padiri Munyeshyaka Wenceslas mu Muryango Mugari w’Abihaye Imana Gatolika ndetse asaba ko nta zindi nshingano cyangwa imirimo yazongera kuyikoramo cyangwa ngo ayiyitirire.
Rigira riti” Padiri Wenceslas Munyeshyaka ahagaritswe ku nshingano zose zijyanye n’umuhamagaro w’ubusasaridoti, yambuwe uburenganzira bwose bujyanye n’uyu muhamagaro, yirukanywe kandi ntashobora kongera gukora nk’umusasaridoti wacu. Agomba kwirinda inzira zose zimugaragaza nk’uko yari asanzwe azwi muri uyu muhamagaro.”
Padiri Munyeshyaka Wenceslas ni Umunyarwanda wahungiye mu Bufaransa. Akekwaho kuba yaragize uruhare muri Jenoside yakorewe Abatutsi mu Rwanda mu 1994.
Ageze mu Bufaransa yakomeje gukora umurimo w’Ubupadiri muri Paruwasi zitandukanye.
Padiri Wenceslas Munyeshyaka yasabye kuba impunzi ya Politiki, kuva yagera mu Bufaransa mu 1994. Amaze imyaka ibiri muri icyo gihugu, yakiriwe muri Diyosezi ya Évreux.
JEAN CLAUDE BAZATSINDA / UMUSEKE RW
Bamwohereze inaha tumushinje ubwicanyi yakoreye abatutsi kuri saint Famille muri 1994,nanjye rwose namushinja kuko nahungiye kuri Saint Famille muri Gicurasi 1994 mubona yambaye ikanzu y’abapadiri n’ishapure ndende mu gatuza afite imbunda ya Uzigun arikumwe n’interahamwe nyinshi zigiye kwica abatutsi bari barahungiye mu mashuri ya saint famille no muri kiriziya yaho kandi hiciwe benshi cyane,nibamutebukane atararwara indwara z’ubusaza nkiza Kabuga Felicien wisinzirira mu rukiko.
none ubu nibwo ubyibutse koko?
Reports nyinshi zerekana ko ibihumbi byinshi by’abapadiri,Abasenyeri na Cardinals bashinjwa icyaha cy’ubusambanyi.Muribuka Abasenyeri 34 bo muli Chili bose beguye kubera ubusambanyi.Ikinyamakuru The New York Times cya February 05,2019,cyavuze inkuru yo muli Malawi,aho Abapadiri bo muli Diocese imwe bateye inda Ababikira 29 mu mwaka wa 1988.Muli 2018,Cardinal George Pell wo muli Australia,yakatiwe imyaka 6 y’igifungo,azira ubusambanyi.Yali nomero ya 3 muli Vatican,ashinzwe imali.Cardinal Philippe BARBARIN,Archbishop wa LYON,yakatiwe amezi 6 y’igifungo,le 06/03/2019 kubera ubusambanyi. Cardinal Donald WUERL hamwe n’uwo yasimbuye,Cardinal Theodore Edgar Mc CARRICK,bombi bayoboye Archdiocese ya Washington DC bashinjwa ubusambanyi. Utibagiwe Cardinal Armand Ouellet (icyegera cya Paapa,I Vatican).We n’Abapadiri 80 bakoranaga iwabo muli Quebec,bashinjwa ubusambanyi.Mu mwaka wa 2022,Abasenyeli 11 bo muli France,barimo Musenyeri Michel Aupetit,archbishop wa Paris,bose bashinjwa ubusambanyi.N’abandi batabarika.
Rwose Kiriziya yari yaratinze kumwirukana.
Ku bwanjye n’uwari wamuhaye ubupadiri sinibaza icyo yari yagendeyeho. Ni umujenocidaire, kandi yitegure kuzasobanura icyo yicishirije Hyacinhe wa Rosa Lwanga ngo ni uko yanze ko basambana?????
Narorongotane kiriya kivume, amaraso y’abatutsi yamennye ntagatuze kumubuza amahoro.
Uti namubonye … ubu uwajya kuri ibuka yasanga aya makuru warayatanze ngo bayongere kuri dossier ?
Undi nawe uti yishe .. kuko yanze ko basambana aya makuru ibuka cg inzego zobishinzwe waraziyahaye …
Genda Rwanda uri nziza