Mu Mudugudu wa Jarama, Akagari ka Kirambi mu Murenge wa Nyagisozi mu Karere ka Nyanza haravugwa umugabo wagerageje kwiyahura kuko umugore we yajyanye n’undi mugabo.
Byabaye ahagana saa kumi n’ebyiri n’igice z’umugoroba (18h30) uwitwa Sindambiwe Moise w’imyaka 24 y’amavuko yuriye ipoto y’amashanyarazi ashaka kwiyahura ngo kuko umugore babana yabonye atwarwa n’undi mugabo aza kugaruka ku mugoroba.
Umunyamabanga Nshingwabikorwa w’Umurenge wa Nyagisozi, Habineza Jean Baptiste yabwiye UMUSEKE ko Moise abaturage batabaye uriya mugabo babonye ko ashaka kwiyahura.
Ati “Yuriye ipoto y’amashanyarazi ku bw’amahirwe abaturage baratabara baramumanura ariko yari yakomeretse byorohereje.”
Habineza asaba abaturage kwirinda amakimbirane ya hato na hato yanaba bakihutira kubibwira ubuyobozi bukabafasha kuyakemura.
Amakuru UMUSEKE wamenye ni uko Moise yakekaga ko atari ubwa mbere Umugore batangiye kubana mu Ugushyingo 2020 amuca inyuma.
Umugore we babana batarasezeranye byemewe n’amategeko, babanye umugore afite umwana utari uwa Moise, bakaba nta mwana barabyarana.
Abaturage bagitabara bihutiye kumujyana ku Kigo Nderabuzima cya Kirambi ngo yitabweho n’Abaganga kuko yanakomerekejwe n’amashanyarazi.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
Theogene NSHIMIYIMANA
UMUSEKE.RW/NYANZA
None se gushaka kwiyahura ubwo yahimaga nde?njye ndumva ari inyungu k’uruwo mugore n’uwo mugabo wundi yasanze kuko arimo arashaka kubaha ubwisanzure
Kwiyahura biterwa n’agahinda kenshi umuntu aba afite,bigatuma ananirwa kwihangana.Buri mwaka,ku isi yose abantu biyahura babarirwa kuli 1 million,ariko muri bo,ibihumbi 200 barabigerageza bikanga.Hiyahura umuntu umwe buri masegonda 40. Muli Nigeria,abantu bagera kuli 50 biyahura buri kwezi kubera Betting.Mu mwaka wa 2020,mu gihugu cya Japan,hiyahuye abantu barenga 2500,ahanini kubera Covid 19.Mu isi nshya dutegereje ivugwa muli 2 Petero 3:13 ,nta muntu uzongera kwiyahura,kubera ko ibibazo byose bizavaho burundu.Ndetse n’urupfu ruzavaho nkuko Ibyahishuwe 21:4 havuga.Iyo paradizo izaturwamo gusa n’abantu bumvira Imana,kubera ko ku munsi w’imperuka,abakora ibyo Imana itubuza bose izabakura mu isi nkuko Imigani 2:21,22 havuga.