Bamwe mu banyamabanga Nshingwabikorwa bahunduriwe ifasi abari hafi y’Umujyi bajyanwa mu cyaro, abo mu cyaro barabasimbura.
UMUSEKE wamenye amakuru ko ba Gitifu b’Imirenge10 kuri 12 igize Akarere ka Muhanga bavanywe aho bakoreraga boyoboraga boherezwa mu yindi Mirenge.
Mu bahinduriwe ifasi barimo Umunyamabanga Nshingwabikorwa w’Umurenge wa Rongi Nsengimana Oswald woherejwe mu Murenge wa Shyogwe, Nteziyaremye wayoboraga Umurenge wa Muhanga aramusimbura, Niyonzima Gustave wari usanzwe uyobora Umurenge wa Shyogwe ajyanwa iMushishiro.
Mu bandi bahawe amabaruwa hari Ndayisaba Aimable Gitifu wa Cyeza wagiye mu Murenge wa Nyarusange, asimburwa na mugenzi we Musabwa Aimable wari Gitifu w’Umurenge wa Kiyumba, nawe wasimbuwe na Gakwerere Eraste wayoboraga Umurenge wa Nyabinoni.
Hakaba kandi Gihana Tharcisse wari mu Murenge wa Rugendabari woherejwe mu Murenge wa Kabacuzi naho Nsanzimana Védaste wari Kabacuzi ahabwa inyandiko imujyana iNyabinoni.
Byicaza Jean Claude wari Umunyamabanga w’agateganyo w’Umurenge wa Nyarusange ajyanwa mu Murenge wa Muhanga, Mukayibanda Priscah wari mu Murenge wa Mushishiro yanjyanywe mu Murenge wa Rugendabari.
Gitifu wa Kibangu Mukamutari Valéry yahamye mu Murenge wa Kibangu, naho Nshimiyimana Jean Claude umaze imyaka hafi imyaka 5 ayobora Umurenge wa Nyamabuye aguma mu ifasi ayobora.
Mu gushaka kumenya amakuru yimbitse yaba yatumye habaho izi mpinduka mu buryo bwatunguye aba bayobozi ku rwego rw’Imirenge, twagerageje kwandikira Meya na Gitifu bayobora Akarere ntibasubiza.
Gusa bamwe muri aba Banyamabanga Nshingwabikorwa bahinduriwe ifasi, bavuga ko hari abamaze guhindurirwa ifasi inshuro ebyeri, bakavuga ko bitakozwe mu buryo bunyuze mu mucyo.
Umwe muri aba yanditse ubutumwa bugira buti “Gitifu wa Nyamabuye ari ku ibere kandi niwe ugishwa inama y’abagomba guhindurirwa Imirenge abenshi barabizi.”
Aba bakavuga ko mugenzi wabo uyobora Umurenge wa Nyamabuye ari umutoni kuri bamwe bo muri Komite Nyobozi y’Akarere ndetse ko agira uruhare mu iyimurwa ry’abo bakorana nkuko babivuga.
MUHIZI ELISÉE
UMUSEKE.RW/Muhanga.
Ariko se bwana Umunyamakuru,
Ubu utatubeshye wanditse ugamije kumwikanisha abimuwe cg ufite uwo utanyuzwe ko aguma aho yayoboraga ushaka ko ahava?
Mu kuri mujye muba abanyamwuga ibi ntacyo bifasha societe ahubwo biraboneka ko ufite indi ntumbero!
Ubundi kuki mwisebya ubu inkuru iyo uyihindurira izina ukavuga ko hari gitifu w’umurenge wumutoni cq ukamusebya kubundi buryo ukamukoraho inkuru ukwe apana kwerekana amarangamutima yawe mu nkuru koko
HAHAHAHAHA!!!
Konumva ushaka gutangs umurongo wigisha uko amakuru atangwamo waba uzi imyaka Elise amaze muri uyu mwuga?ese hatabayeho kugaragaza ukuri ibikorwa nkamakosa byazakosoka ryari?ushaka bavuge ibyo wumva byakuryohera gusa??injiji gusa.
Ubwo se uwo muyobozi uri ku ibere yonka nde ra ?
Muge muvuga ibintu mwanasesenguye peeh Ubu se uwa Kibangu we yimuwe ko utavuze ko nawe Ari Ku ibere menya ko uwo wanyamabiye nawe ajya yimurwa kuko siho yakoreye gusa na KIBANGU yarahayoboye uko ni ugusebanya cg kugoreka amakuru ujye wiga kwandika inkuru zitabogama
Amarangamutima mu nkuru ! Elyse nawe akore kinyamwuga!
Ese abanyamakuru ntibimutwa? Uyu nawe nta musaruro kuko he is not professional.
Ndumiwe! Ubu iyi nkuru yawe yafasha iki abanyarwanda ukurikije icyerekezo tujyamo kweri????!!!!!!!!!!
Ariko rwose Umunyamakuru kuki wandika inkuru ushingiye kumarangamutima yawe,Gitifu wa Nyamabuye ngo Ari ku ibere kweli?? Ese ubwo ni iryande ??
Ntabwo ari ihame ko abakozi bose bimurwa. Aho niho ubuyobozi bubera bwiza. Ukuyobora niwe umenya ibigukwiye. Jean Claude nawe ubutaha azimurirwa ahandi cg agume aho Nyamabuye.
Ikibazo ni ukuba hari abimuwe? Cg ikibazo ni ukuba hari umwe mubatimuwe? Ntekerezako ubuyobozi bubikora hari impamvu kdi biri mububasha nomunshingano zabwo. Cyereka nimba hari itegeko ubona bishe cg batakurikije naho uwimuwe we birumvikana yababaye ashobora kuvuga ibyo ashatse. Naho ibindi byo ubwo ubuyobozi nibusanga bikwiye ko nawe yimurwa bizakorwa. Mugihe bitarakorwa ubifiteho ikibazo yabaza abazifite munshingano