Minisitiri wa Siporo, Nelly Mukazayire, yakiriye Ambasaderi wa Brésil mu Rwanda, Vida Gala. Aba bombi bagiranye ikiganiro kibanze ku bufatanye buganisha ku Iterambere rya Siporo mu Bihugu byombi.
Ni ibiganiro byabaye kuri uyu wa Kane, tariki ya 23 Ukwakira 2025, bibera mu Biro bya Minisitiri wa Siporo, Nelly Mukazayire.
Nk’uko byatangajwe n’iyi Minisiteri biciye kuri X, aba bayobozi bombi baganiriye ku bufatanye bw’Ibihugu byombi mu bijyanye n’Iterambere rya Siporo.
U Rwanda rukomeje kugirana umubano n’ubufatanye n’ibihugu bitandukanye, ushingiye ku Iterambere rya Siporo mu bice bitandukanye.
Ibi biri mu bituma Igihugu gikomeza kwakira amarushanwa manini atandukanye.
UMUSEKE.RW