UPDATED: Minisiteri y’ingabo ya Qatar yemeje ko umuntu wa 7 mu bari muri kajugujugu na we yabonetse yapfuye.
INKURU YABANJE: Minisiteri y’Ingabo ya Qatar yemeje ko abantu batandatu mu bari muri kajugujugu y’igisirikare bapfuye.
Qatar ivuga ko iriya ndege yari mu bikorwa bisanzwe iza kugira ibibazo tekiniki bituma ihanuka.
Ubutumwa bwo kuri X buvuga ko “Ibikorwa byo gushakisha byatumye haboneka abantu 6 kuri 7 bari mu ndege.”
Irindi tangazo ryasohotse nyuma rivuga ko mu bapfuye harimo umusirikare wa Turukiya, n’abandi basivile babiri bakomoka muri icyo gihugu.
Mbere Minisiteri y’ingabo ya Qatar yari yatangaje ko indege ya kajugujugu yahanutse igwa mu mazi.
Akarere Qatar irimo karimo kuberamo intambara ikomeye mu kinyejana cya none kirimo ikoranabuhanga, drone n’intwaro zirasa kure, kugeza ubu nta cyo Iran iratangaza cyane ko yagiye irasa kuri Qatar igambiriye ibikorwa bya gisirikare bya America.
UMUSEKE.RW
