Ikipe y’abatarengeje imyaka 20 ya Gasogi United, yatangiranye intsinzi muri Shampiyona y’abatarengeje iyo myaka yatangiye mu mpera z’icyumweru gishize.
Iyi Shampiyona y’ingimbi n’abangavu, yatangiye ku wa gatandatu, tariki ya 28 Gashyantare 2026.
Imwe mu mikino yabareye kuri kibuga cyo kuri Stade Mumena ubwo iyi Shampiyona yatangiraga, ni uwo mu itsinda C wahuje Gasogi United y’abatarengeje imyaka 20 n’ingimbi za Vision FC.
Izi ngimbi z’ikipe y’Urubambyingwe, yatangiye iyi Shampiyona neza itsinda ingimbi z’iyi yo ku Mumena ibitego 2-0.
Indi mikino yabaye ku munsi wa mbere w’iyi Shampiyona.
Itsinda A:
Mukura VS 1-2 The Winners
Bright Soccer vs Intare FC [umukino ntiwabeye kubera imvura]
Amagaju FC 2-1 Rayon Sports
Itsinda B:
Musanze FC 0-1 Tony FA
Rutsiro FC 0-0 Nyabihu Young Boys
Marine FC 3-0 Gicumbi FC
Itsinda C:
APR FC 4-1 Kiyovu Sports
Police FC 2-0 AS Kigali
Itsinda D:
Sunrise FC 3-0 Bugesera FC
GS Kabare 3-0 City Boys
Muhazi United 0-1 Generation To Come
Étoile de l’Est 1-2 Motard FC
Mu cyiciro cy’abakobwa, harimo amatsinda abiri. Itsinda A, Inyemera WFC yatsinze Imbarutso ibitego 3-0, Igishashi WFC yatsinze Eagles WFC ibitego 5-2 mu gihe abangavu ba Rayon Sports WFC batsinze Ibonemo WFC ibitego 3-0.
Mu itsinda B mu bakobwa, Amizero yatsinze Forever WFC ibitego 3-0 mu gihe imikino ibiri irimo uwa GS Viro na Bugesera FC n’uwa Muhazi United na AS Kigali, itigeze iba kubera imvura nyinshi.
Mu gihe Shampiyona y’abatarengeje imyaka 20 yatangiraga hakinwa imikino y’umunsi wa mbere, mu batarengeje imyaka 17 hakinwaga imikino y’umunsi wa kabiri hirya no hino mu Gihugu.
UMUSEKE.RW
