Mu nama ya 25 y’Abakuru b’Ibihugu by’Umuryango wa Africa y’Iburasirazuba, EAC yabereye i Arusha muri Tanzania, Perezida Yoweri Museveni yahawe inkoni y’ubuyobozi bw’umuryango.
Hari hashize umwaka Kenya iyobowe na William Ruto ari we uyoboye uyu muryango akaba yarasimbuye, Salva Kiir Perezida wa Sudan y’Epfo.
Kuri uyu wa Gatandatu, tariki 07 Werurwe, 2026, Perezida William Ruto yashyikirije ubuyobozi Perezida Yoweri Museveni wa Uganda.
Uretse Perezida Museveni wahawe inkoni y’ubuyobozi, Ubunyamabanga Bukuru bw’uyu muryango nabwo bwabayemo impinduka, Amb Stephen Patrick Mbundi, wo muri Tanzania, yagizwe Umunyamabanga Mukuru w’Umuryango wa Afurika y’Uburasirazuba, EAC, asimbuye Veronica Nduva wo muri Kenya wari kuri uyu mwanya kuva mu Kamena 2024.
Mu ijambo Perezida Yoweri Museveni yagejeje ku bitabiriye iyi nama, yavuze ko amakosa abami bategetsi aka karere bakoze, yo kwirirwa barwana, bicaye badatekereza iterambere ry’inganda ridakwiye kongera kubaho.
Yavuze ko hakwiye kubaho ubufatanye, no kwishyira ukuzana kw’abatuye umuryango wa Africa y’Iburasirazuba.
Museveni agaragaza ko hakwiye kubaho guteza imbere umusaruro ukaba mwinshi kuko ngo iyo umusaruro ari mwinshi ukabona abakiliya benshi ari byo bifasha uwakoze gutera imbere.
Ikindi ni umutekano w’ibihugu by’Akarere, na wo ngo ni ngombwa umuntu utabyumva aba agambanira Africa.
UMUSEKE.RW
