Ubuyobozi bwa Étoile de l’Est FC yo mu Burasirazuba mu Karere ka Ngoma, bwemeje ko iyi kipe yamaze gutandukana na Cyiza Yassin wari uyibereye umutoza mukuru.
Ibi byabaye ku wa kane, tariki ya 26 Gashyantare 2026, nyuma y’uko ubuyobozi bw’iyi kipe bubyemeje bubicishije kuri X.
Bagize bati “Étoile de l’Est FC iramenyesha abakunzi bayo bose ko uwari umutoza wayo, Cyiza Yassin yatandukanye nayo mu nshingano zo gutoza ikipe.”
Uretse ikipe yemeje aya makuru, n’uyu mutoza yabyemereye UMUSEKE. Ati “Yego kabisa twatandukanye.”
Bivugwa ko impamvu yo gutandukana yatewe no kudahuza ku mipangire y’ikipe aho bivugwa ko ubuyobozi bwajyaga bumuvangira mu mipangire y’abakina.
Yassin yasize ikipe iri ku mwanya wa gatanu mu itsinda B aho ifite amanota 32 mu gihe UR FC ya kane, ifite amanota 34.
UMUSEKE.RW
