Mu gihe ari mu bihe bye bya nyuma nk’umukinnyi wabigize umwuga, Cristiano Ronaldo watangiye gushora muri ruhago, yaguze imigabane ingana na 25% muri UD Almería yo mu cyiciro cya kabiri muri Espagne.
Inkuru y’igurwa ry’imigabane ingana na 25% muri Alméria kuri CR7, yagarutsweho n’ibinyamakuru bikomeye ku mugabane w’i Burayi.
Iyi kipe iri gukina Shampiyona y’Icyiciro cya kabiri muri Espagne, iri ku mwanya wa gatatu n’amanota 48 aho irushwa rimwe na CD Castellón iri ku mwanya wa kabiri.
UD Almería imaze imyaka 36 ishinzwe. Ifite Stade yakira abantu 17,400 bicaye neza.
CR7 w’imyaka 41 uri gukina muri Al-Nassr yo muri Arabie Saoudité, yiyongereye ku munya- Arabie Saoudité, Mohammed Al-Khereiji ufitemo imigabane ingana na 75%.
UMUSEKE.RW
