Kuri iki Cyumweru “APR FC” yakiriye RS Berkana yo muri Marocco umukino w’irushanwa rya CAF Confederation Cup wabereye kuri Stade ya Kigali i Nyamirambo urangiye ari 0-0.
APR FC na RS Berkane zirahatanira kujya mu matsinda ya CAF Confederation Cup.
Uyu mukino wabereye kuri Stade Regional i Nyamirambo, iminota ya mbere yaranzwe no kwigana ku mpande zombi.
Umupira wakinirwaga hagati mu kibuga cyane amakipe ashaka uburyo agera imbere y’izamu ariko nta mahirwe menshi yigeze aboneka.
Amahirwe akomeye APR FC yabonye ni ayo ku munota wa 41, umupira Manishimwe Djabel yacomekeye Bizimana Yannick yisanga wenyine mu rubuga rw’amahina ariko atera mu izamu unyura hanze yaryo.
RS Berkane yabonye amahirwe menshi muri iki gice cya mbere ariko abakinnyi barimo Kisinda Tuisila ntibabasha kubyaza umusaruro amahirwe babonye.
Ku munota wa 38, Byiringiro Lague yinjiye mu kibuga asimbura Kwitonda Alain Bacca wagize ikibazo cy’imvune. Igice cya mbere cyarangiye ari 0-0.
Ku munota wa 60 APR FC yakoze impinduka, Yannick Bizimana na Mugisha Gilbert bavamo hajyamo Mugunga Yves na Ishimwe Anicet, ku munota wa 80, Nsanzimfura Keddy yasimbuye Rwabuhihi Placide.
Muri iki gice cya kabiri APR FC yagerageje gushaka igitego abasore barimo Lague na Bosco bagerageza amahirwe ariko ntibagira babona igitego.
Ku munota wa 82, Hamza Regragui wa RS Berkane yeretswe ikarita y’umutuku nyuma yo kubona umuhondo wa kabiri ku ikosa yakoreye Mugunga Yves.
Nsanzimfura Keddy ku munota wa 85 yagerageje ishoti rikomeye inyuma y’urubuga rw’amahina ariko umunyezamu Amine El Ouaad awukuramo. Umukino warangiye ari 0-0.
Umukino wo kwishyura uzabera muri Maroc tariki ya 5 Ukuboza 2021, izatsinda izahita ijya mu matsinda ya CAF Confederation Cup.
Ukeneye kwamamaza! Gusobanuza! Gutanga amakuru? Hamagara 0788772818
UMUSEKE.RW
Mbega weee, ibya STAR A DOMICILE bikomeje kuyoberana.Ni ukujya batsinda Gasenyi gusa bagaca ibiti n’amabuye ngo ni abahanga. Iyi RS Berkane yabacishijemo ijisho.Iwabo izabakubita bumirwe….
Uwashaka yavuga ko Igikona cyaysonzwe, kuko kunganyiriza iwanyu, ukavuga ko wanganyije ni nko kwikirigita ugaseka. Ugusanze iwawe ukananirwa kumukubita ntabwo wakwizera ko uzamukubitira iwe…
Pole ” STAR A Domicile ” muzajye mutsinda Gasenyi ubundi mwibyinire kuko gutsinda abo hanze, niyo yaba Djibuti, Somaria cg Eritrea byarabihishe. Umenya na VATICAN ije mugakina mutabasha kuyitsinda….
Ikibaje ni kimwe : ni uko iyi kipe ya APR Football yitirirwa RPA kandi bo batajya batsindwa, ari inkotanyi zikoranira gutsinda, bakaba barakoze amateka aho banyuze hose ntawe ubakoma mu nkokora, ibyo wabibaza ingabo z’abafaransa, ukabibaza Bozizé na Al-shabab y’i Cabo Delgado… None aba bahungu b’Abasivile barasebya APR/ RPA nyirizina, kuko bo gutsindwa no kunganya bqbigize intego…
Ariko mba nibaza icyo Adir ahemberwa ibifaranga bisaga miriyoni 20 buri kwezi, ntibayahe Umuyobozi wa Army cg Polisi baducungira umutekano, nta Minister uyahembwa, nta Maire, nta Governor uyahembwa…ariko agahembwa uyuriza indege akayajyana iwabo, kandi umusaruro ari ugutsinda : Etincelle, Marine, Mukura, Rayon, gusa….
APR UMUTOZA NAHE ICYIZERE ABAKINNYI ITIYA TEAM TURAYIKUBIRA I WABO IZUBA RIVA NA ZAMALECK IFITE AMATEKA TWARAYIHONDAGUYE.NAHO ABO BA RAYON BAVUGA I BYO BATAZI TWARABAKUBISE BAFITE ABANYAMAHANGA BA BASWA KANDI NTIBAZONGERA GUSOHOKERA IGIHUGU.MURAKOZE