Umukinnyi w’ikipe y’Igihugu y’u Rwanda yo gusiganwa ku magare ndetse na Team Benediction i Rubavu, Areruya Joseph yasezeranye n’umukunzi we Uwera Josephine bari bamaze igihe bivugwa ko bari mu rukundo bombi. Basezeranye ku wa Gatandatu, mu Karere ka Kayonza, Mukarange.
Ubukwe bw’aba bombi bwigeze gusubikwa mu ntangiriro za Gashyantare uyu mwaka bitewe n’icyorezo cya Covid-19, bwabaye mu mpera z’iki Cyumweru.
Mu babwitabiriye harimo n’abandi bakinnyi basanzwe bakinana n’uyu musore yaba muri Team Rwanda ndetse n’abandi yagiye akinana na bo.
Mu myambaro myiza ya Kinyarwanda, Areruya Joseph yari yambariwe na bagenzi be barimo Mugisha Samuel ndetse na Mugisha Moise bakinana muri Team Rwanda. Ndetse n’abandi basore b’inshuti ze.
Areruya Joseph akoze ubukwe mu gihe we na bagenzi be bakinana bari kwitegura isiganwa mpuzamahanga rizenguruka u Rwanda Tour Du Rwanda riteganyijwe gutangira mu ntangiriro z’ukwezi kwa Gicurasi, hagati ya tariki 2-9.
Areruya Joseph yatwaye amasiganwa menshi arimo Tour Du Rwanda yegukanye muri 2017, yegukana La Tropical Amissa Bongo na Tour De L’Espoir mu 2018.
Uyu musore azafasha Team Benediction Ignite y’i Rubavu muri Tour Du Rwanda uyu mwaka.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
Amafoto:KigaliToday
ISEHAMA Christian / UMUSEKE.RW
Bazabyare Hungu na Kobwa.Ibintu bidushimisha cyane kurusha ibindi Imana yaduhaye,ni Ubukwe no Kubyara.Byombi ni IMPANO y’Imana.Gusa tugomba kwibuka ko Imana ishaka ko Umugore n’Umugabo “baba umubiri umwe” nkuko Intangiriro 2,umurongo wa 24 havuga.Ikibabaje nuko ababyubahiriza ari bake.Couples nyinshi zicana inyuma,bakarwana, bagatandukana,ndetse bakicana.Amadini amwe nayo akabeshyera Imana ngo ibemerera gutunga abagore benshi.Nkuko Yesu yabisobanuye muli Matayo 19,umurongo wa 6,Imana yihoreye Abayahudi batunga Abagore benshi,ngo kubera ko bali barananiye Imana.Niba dushaka kuzaba muli paradizo,tugomba kumvira Imana muli byose,harimo no kubana neza n’abo twashakanye.