Igitero cya misile n’indege zitagira abapilote za Iran (drone) cyangije byinshi ku birindiro by’ingabo za America biri muri Saoudi Arabia.
Ku wa Gatanu nibwo Iran yagabye kiriya gitero ahitwa Prince Sultan Air Base, igambiriye gutwika indege za America zirimo gukoreshwa mu ntambara kuri yo.
Amafoto yagiye ahagaragara yerekana indege zitwara amavuta zo mu bwoko KC-135 Tankers zangiritse amakuru avuga 5, kimwe n’indege yak era ariko ifite akamaro gakomeye mu ntambara yitwa E-3G Sentry AWACS plane ikoreshwa n’ingabo zirwanira mu kirere za America.
Iriya ndege ni imwe muri 16 America ifite, amakuru akavuga ko bigoye kuyisimbuza.
Ni indege zifite ikoranabuhanga ryo gushakisha indege z’umwanzi zikarasirwa kure zitaragera ku ngabo za America cyangwa ahandi zishaka kugaba ibitero.
Ibiro Ntaramakuru, Reuters bivuga ko kiriya gitero cya Iran cyanakomerekeyemo abasirikare ba America 12, harimo babiri bakomeretse bikabije.
