Ibitaramo bya “MTN Iwacu Muzika Festival” bigiye kongera kuzenguruka Intara z’u Rwanda, nk’uko ubuyobozi bwa EAP bwabitangaje.
Kuri uyu wa 11 Gashyantare 2026, EAP isanzwe itegura ibi bitaramo yatangaje ko kuri iyi nshuro bizabera mu mijyi irindwi y’u Rwanda.
Yavuze ko ibi bitaramo bizatangira ku wa 20 Kamena 2026 bikarangira ku wa 1 Kanama 2026, bizaca mu mijyi nka Huye, Ngoma, Nyagatare, Karongi, Muhanga, Musanze na Rubavu.
Byitezwe ko ibi bitaramo bizitabirwa n’abahanzi batandukanye bagezweho, hagamijwe gutanga ibyishimo ku bakunzi b’umuziki.
Umwaka ushize, ibi bitaramo byari byatumiwemo abahanzi nka King James, Riderman, Bull Dogg, Juno Kizigenza, Ariel Wayz, Kivumbi King, na Nel Ngabo.
NDEKEZI JOHNSON / UMUSEKE.RW
