Mu Karere ka Nyabihu, Urwego rwunganira Akarere mu kubungabunga umutekano (DASSO) rwahaye abanyeshuri bikoresho by’ishuri birimo impuzangankano, inkweto n’ibikapu, hagamijwe kubafasha gukomeza amasomo neza.
Ibi bikoresho babihawe ku wa Kabiri tariki ya 10 Gashyantare 2026, bihabwa abanyeshuri biga ku bigo bya GS Rega na EP Bigogwe II.
Tungane Dieudonne, Umuhuzabikorwa wa DASSO mu Karere ka Nyabihu yabwiye UMUSEKE ko ibikoresho byatanzwe birimo amakaye 300, amakaramu 70, ibikapu 20, inkweto 20 n’impuzankano 20, bifite agaciro k’ibihumbi 400 frw.
Yavuze ko ibi byatanzwe mu rwego rwo kurwanya guta ishuri kw’abana.
Ati ” Biri mu gufasha abanyeshuri baba mu miryango ikennye no gukundisha abana ishuri.”
Yasobanuye ko bagize igitekerezo cyo gutanga ibikoresho by’ishuri nyuma yo kureba ku mibereho yaba banyeshuri, abagize Urwego rwa DASSO bagasanga bagomba gufasha aba bana ndetse no kubakurikirana.
Ati ” Twabasabye kwimakakaza isuku n’ikinyabupfura, kwirinda ubuzererezi no gusaba ababyeyi n’abarezi kwita kuri aba bana.”
