Perezida Kagame akaba n’Umugaba Mukuru w’Ikirenga w’Ingabo z’igihugu, yashyizeho Umupilote wa Perezida.
Itangazo ry’ingabo z’igihugu rivuga ko Perezida Paul Kagame yagize Brig Gen Godfrey Gasana, umupilote wa Perezida, akaba n’Umujyanama wa Minisitiri w’Ingabo mu bijyanye n’imikorere y’umutwe w’Ingabo zirwanira mu kirere.
Muri iri tangazo ryasohotse mu ijoro ryo kuri uyu wa Gatandatu rishyira ku Cyumweru, tariki 25 Mutarama, 2025 rivuga ko Col Dan Gatsinzi yagizwe Umugaba Mukuru wungirije w’Ingabo zirwanira mu kirere ushinzwe ibikorwa.
Ni ubwa mbere hatangajwe Umupilote wa Perezida.
Mu 2023, Brig Gen Gasana wari ufite ipeti rya Colonel, azamurwa mu ntera ahabwa irya Brigadier General. Icyo gihe yari Umugaba Mukuru wungirije w’Ingabo zirwanira mu Kirere nk’uko tubikesha IGIHE.
Gatsinzi we yahawe ipeti rya Colonel muri Nzeri 2024 avuye ku rya Lieutenant Colonel.
UMUSEKE.RW
