Lionel Messi yegukanye Ballon d’Or yo mu mwaka w’imikino 2021

Lionel Messi yegukanye Ballon d’Or ya karindwi mu mateka ye, ahigitse abo bari bahanganye barimo Benzema, Cristiano Ronaldo na Robert Lewandowski wahabwaga amahirwe menshi kumurusha.

Byari ibirori i Paris ubwo Lionel Messi yahabwaga Ballon d’Or ya karindwi mu mateka nk’umukinnyi, akaba ari umuhigo yisangije.

Mbere y’umuhango wo gutanga ibi bihembo Lionel Messi waje uherekejwe n’umuryango we yari mu bahabwa amahirwe yo kwegukana Ballon d’Or nyuma yo gufasha ikipe y’igihugu ya Argentina abereye Kapiteni kwegukana igikombe cya Copa America.

Mu bagore  Kapitini wa FC Barcelona akaba na Rutahizamu w’iyi kipe, Alexia Putellas, yatowe nk’umukinnyi mwiza w’umugore mu mwaka wa 2020/21, yegukana Ballon d’Or na we.

Lionel Messi wegukanye Ballon d’Or yaherukaga kuyitwara muri 2019 ahigitse Rutahizamu wa Man United, Criastono  Ronaldo.

Messi amaze gutwara Ballon d’Or 7 mu myaka itandukanye harimo 6 yatwaye akinira FC Barcelona n’imwe yatwaye atwaye ari umukinnyi wa PSG.

Yagiye azitwara mu myaka itandukanye 2009, 2010, 2011, 2012, 2015, 2019 na  2021.

Uko ibihembo byatanzwe ku bakinnyi bitwaye neza muri 2020/21 mu mupira w’amaguru

Usibye Messi wegukanye Ballon d’Or, Umutaliyani Gianluigi Donnarumma ukinira Paris Saint-Germain yegukanye ‘Trophée Yachine’ nk’umunyezamu mwiza w’umwaka 2020/21.

Alexia Putellas ukinira FC Barcelone yatowe nk’umukinnyi mwiza w’umugore mu mwaka wa 2020/21, yegukana Ballon d’Or.

Robert Lewandowski yatowe nka rutahizamu w’umwaka 2020/21.

Pedro González López ‘Pedri’ ukinira FC Barcelone yatowe nk’umukinnyi mwiza mu batarengeje imyaka 21, ahabwa igihembo cyitwa ‘Kopa’.

Ikipe ya Chelsea  FC yo mu Bwongereza, niyo yahawe igihembo cy’ikipe y’umwaka 2020/21.

UMUSEKE.RW